काठमाडौं । उज्वेकिस्तानलाई पराजित गर्दै आयोजक नेपाल काठमाडौंमा जारी काभा महिला च्यालेन्ज कप भलिबल प्रतियोगितामा तेस्रो भएको छ ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सम्पन्न खेलमा नेपालले पाहुना टोली उज्वेकिस्तानलाई ३–१ को सेटमा पराजित गर्दै तेस्रो भएको हो । नेपालले पहिलो सेट गुमाए पनि बाँकी सेटमा उत्कृष्ट प्रदर्शन गर्न सफल भएको थियो ।
अघिल्ला दुई संस्कणको च्याम्पियन नेपालले सेन्ट्रल एशियन भलिबल एशोसिएशन (काभा) महिला च्यालेन्ज कप भलिबल प्रतियोगितामा ह्याट्रिक गर्ने लक्ष्यमा रहेपनि सेमिफाइनलमा काजाकस्तानसँग पराजित भएको थियो । आईतवार तेस्रो स्थान हासिल गरेको नेपाल उज्वेकिस्तानमाथि पहिलो सेटमा २०–२५ ले गुमाएको थियो । तर बाँकी सेटमा भने नेपालले सम्हालिएको प्रदर्शन गर्न सफल भएको हो । सो क्रममा नेपालले उत्कृष्ट पुनरागमन गर्दै त्यसपछिका तीन सेट २५–१६, २५–१५ र २५–१३ ले आफ्नो पक्षमा पारेको हो ।
यससँगै नेपालले लगातार तेस्रो खेलमा उज्वेकिस्तानबिरुद्ध जित निकाल्न सफल भएको छ । नेपालले अघिल्लो संस्करणको लिग चरण र फाइनलमा पनि उज्वेकिस्तानलाई हराएको थियो । प्रतियोगिताको उपाधिका लागि आईतवार साँझ सवा चार बजे भारत र काजकिस्तान प्रतिष्पर्धा गर्दैछन् । सेमिफाइनलमा नेपाल काजकिस्तानसँग ३–२ तथा उज्वेकिस्तान भारतसँग ३–० को सेटमा पराजित गर्दै फाइनलमा भेट पक्का गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच