काठमाडौं । साहित्यिक पत्रकार संघको स्थापनाको ५० वर्षको स्वर्ण महोत्सवको अवसरमा पुस्तक समालोचना र समीक्षामा योगदान पुर्याएका दुई-दुईजना समालोचक र समीक्षकलाई सम्मानित गरिने भएको छ । सम्मानतर्फ ‘सापस स्वर्ण महोत्सव समालोचना विशिष्ट सम्मान-२०७९’बाट अग्रज वरिष्ठ समालोचक प्रमोद प्रधान र समालोचक गीता त्रिपाठीलाई सम्मानित गरिने भएको हो ।
सोही कार्यक्रममा ‘सापस स्वर्ण महोत्सव समीक्षा सम्मान-२०७९’बाट समीक्षक ज्ञानु अधिकारी र छविरमण सिलवाललाई सम्मानित गरिने जनाइएको छ । उक्त निर्णय संघका अध्यक्ष राधेश्याम लेकालीको अध्यक्षतामा बसेको बैठकले गरेको हो ।
दुवै सम्मानका लागि वरिष्ठ साहित्यकारहरू श्रीओम श्रेष्ठ ‘रोदन’ संयोजक, हिरण्यकुमारी पाठक र नरेन्द्रबहादुर श्रेष्ठ सदस्य रहेको सिफारिस समिति बनेको थियो । पुस्तक समालोचना र समीक्षामा सम्मानको घोषणा सम्भवत यो पहिलो निर्णय हो । स्मरण रहोस् सापसले आफ्नो स्वर्ण महोत्सवको अवसरमा केही महिनाअगि पहिलोपटक पुस्तक सम्पादकलाई पनि सम्मानित र पुरस्कृत गरेको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच