✍️ पदम दाहाल
सुवासनामा किन रम्रमाएँ ?
रवाफ रोजी अझ जम्जमाएँ
म तिर्सनाले हद छट्पटाएँ
हराउँदै मानवता गुमाएँ ।
म कल्पना भै अति फुर्फुराएँ
म वेदना बोक्न परै उदाएँ
म वन्चना वेष्टनमा रमाएँ
कथा-व्यथा जोड्न खुबै सघाएँ ।
म यातना दी सुखमा हराएँ
धराप धक्का धित धाक लाएँ
प्रपञ्चना बुन्न ऋचा रचाएँ
बिलाउँदा मानव ज्ञान पाएँ ।
विभेदना बल्झन सुम्सुम्याएँ
अनाथका क्रन्दन गीत गाएँ,
कला गलाको करुणा मिसाएँ
जगार गैह्रो असमेल पाएँ ।
चरक्क घाचोट थिए सताएँ
विनाशको सागरमा डुबाएँ
विरक्तिका दुर्दिन कृत्य ल्याएँ
विडम्बना मानवता दबाएँ ।
नबिर्सिने बर्वरता सजाएँ
नबर्सियो बादल बाढ ल्याएँ
म राहु भै साहु जुनी कटाएँ
हताहती आहत हात लाएँ ।
मादी, सखुवासभा
हालः लोकन्थली,भक्तपुर ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच