काठमाडौं । चलचित्र ‘कार्साङ’मा अभिनेत्री सुरक्षा पन्त अनुबन्धित हुनुभएको छ । यम शेर्पाको निर्देशनमा यार्सा फिल्मस्को ब्यानरमा निर्माण हुन लागेको यो चलचित्रमा मुख्य अभिनेताका रूपमा दयाहाङ राई, बुद्धि तामाङ फाइनल भइसक्नु भएको छ भने नवनायिकाका रूपमा छिरिङ शेर्पा अनुबन्धित भइसक्नु भएको छ ।
शेर्पा जातिको सामाजिक कथावस्तुमा निर्माण हुन सुरक्षा अनुबन्धित भएसँगै प्रमुख कलाकारको लाइनअप पूरा हुनलागेको निर्देशक शेर्पाले जानकारी दिनुभयो ।
चलचित्रका अन्य कलाकार तथा प्राविधिक चाँडै फाइनल गरिने निर्देशक शेर्पाले बताउनुभयो । बाँकी कलाकार अडिसनमार्फत छनोट गरिने बताइएको छ । पुरुषोत्तम प्रधानको छायांकन रहने चलचित्रमा उहाँ निर्माताका रूपमा पनि जोडिनुभएको छ ।
निर्देशक शेर्पाको यो डेब्यू निर्देशकीय चलचित्र हो । चलचित्रमा शेर्पा स्वयंको लेखन छ । यसअघि उहाँले थुप्रै सर्ट फिल्मको निर्देशन गरिसक्नु भएको छ ।
