बझाङ । बझाङको बुंगल नगरपालिका-७ मा रहेको डाँडागाउँ आधारभूत स्वास्थ्य एकाइ केन्द्र दुई महिनादेखि बन्द हुँदा सेवाग्राही मर्कामा परेका छन् । डाँडागाउँ आधारभूत स्वास्थ्य एकाई केन्द्रमा कार्यरत डाक्टर नारदप्रसाद जोशी दुई महिना पहिले खर्काबगड आधारभूत स्वास्थ्य एकाइ केन्द्रमा नियुक्त भएपछि डाँडागाउँ आधारभूत स्वास्थ्य एकाइ बन्द भएको हो ।
त्यस ठाउँका जनताका सहजताको लागि २०७७ सालमा १८ लाखको लगानीमा स्थापना भएको डाँडागाउँ आधारभूत स्वास्थ्य एकाइ केन्द्र कर्मचारी र स्वास्थ्यकर्मी नहुँदा बन्द भएको स्थानीय वीरबहादुर भण्डारीले बताउनुभयो । डाँडागाउँ आधारभूत स्वास्थ्य एकाइ केन्द्र बन्द हुँदा लुंगाडा र डाँडागाउँ टोलका बासिन्दा मर्कामा पर्ने भएका छन् ।
डाँडागाउँ र लुंगाडा टोलको सिमानामा डाँडागाउँ आधारभूत स्वास्थ्य एकाइ केन्द्र स्थापना भएपछि खुसी भएका स्थानीय अहिले बन्द हुँदा समस्यामा परेका छन् । डाँडागाउँ आधारभूत स्वास्थ्य एकाइ केन्द्र बन्द भएपछि सिटामोलकै लागि भए पनि यस ठाउँका स्थानीयलाई चार–पाँच घण्टा पैदल हिँडेर कफलसेरी स्वास्थ्य चौकी जानुपर्ने बाध्यता आएको अर्को स्थानीय भैरव बोहराले बताउनुभयो ।
डाँडागाउँ आधारभूत स्वास्थ्य एकाइ केन्द्र पुनः सञ्चालनका लागि वडा र नगर सरकारको ध्यान नगएको बोहराको भनाइ छ । कर्मचारी र स्वास्थ्यकर्मी नहुँदा १८ लाखको भवन र स्वास्थ्य सामग्री खेर जान थालेको स्थानीयको भनाइ छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच