बागलुङ । नेकपा एमाले गण्डकी प्रदेशको प्रथम अधिवेशनबाट आगामी नेतृत्वका लागि मायानाथ अधिकारी र नवराज शर्माका बीचमा प्रतिस्पर्धा हुने भएको छ ।
लमजुङका अधिकारी र म्याग्दीका शर्माबीचको प्रतिस्पर्धामा मुख्य नेताहरुलाई जोडेर प्रचार शुरु भएको छ ।
पार्टीका उपमहासचिव पृथ्वीसुब्बा गुरुङको समर्थन वर्तमान अध्यक्ष नवराज शर्मालाई छ भने पार्टीका सचिव पद्मा अर्याल, स्थायी कमिटि सदस्यहरु खगराज अधिकारी, स्थायी कमिटि सदस्य किरण गुरुङको समर्थन मायानाथ अधिकारीलाई रहेको एमाले स्रोतले बताएको छ ।
प्रचारमा आए जस्तो पद्मा अर्यालको समर्थन नवराजलाई नभएर मायानाथलाई भएको एक केन्द्रीय सदस्यले बताए ।
एमालेका नेताहरु पृथ्वीसुब्बा गुरुङ, पद्मा अर्याल, खगराज अधिकारी लगायतका नेताहरुबीच गण्डकी प्रदेशमा सर्वसम्मत बनाउन महासचिव शंकर पोखरेलले गरेको प्रयास सफल नभएपछि दुई समुहबीच प्रतिस्पर्धा हुने भएको हो ।
अध्यक्ष पदका उमेदवार मायानाथ अधिकारीलाई वरिष्ठ उपाध्यक्ष इश्वर पोखरेल, महासचिव शंकर पोखरेल, उपमहासचिव प्रदिप ज्ञवाली र विष्णु रिमाल, सचिव योगेश भट्टराई र पदमा अर्याल, स्थायी कमिटि सदस्यहरु खगराज अधिकारी, किरण गुरुङ लगायतका नेताहरुको समर्थन रहेको नेताहरुले बताएका छन् । नवराज शर्मालाई उपमहासचिव पृथ्वीसुब्वा लगायतका नेताहरुको समर्थन रहेको स्रोतले जानकारी दिएको छ ।
अध्यक्षका उमेदवार अधिकारी र शर्माले प्यानलै बनाएर निर्वाचनमा होमिएका छन् । अधिकारीको म्यानलबाट उपाध्यक्षमा नवलपुरका बाबुराम विक, सचिवमा कास्कीका रश्मी आचार्य, उपसचिवमा म्याग्दीका सन्तोष रावल र महिला उपसचिवमा कास्कीका मिना गुरुङका बीच प्रतिस्पर्धा हुने भएको छ ।
यस्तै शर्माको प्यानलबाट उपाध्यक्षमा स्याङ्जाका मिन प्रसाद गुरुङ, सचिवमा लमजुङका धनञ्जय दवाडी, उपसचिवमा दाम बहादुर वि.क.र महिला उपसचिवमा मञ्जु ले प्रतिस्पर्धा गर्दैछन् । पदाधिकारीमा प्यानल बनाएका मुख्य उमेदवारहरुले तलदेखि नै आफु अनुकुलको उमेदवार बनाउन प्रयत्न गरिरहेका छन् ।
यसैबीच एमाले गण्डकी प्रदेशको लेखा समितिको अध्यक्षमा बागलुङका राम बहादुर जि.सी. र नवलपुरका अमृत ज्ञवालीको उमेदवारी परेको छ । निर्वाचन कमिटिका अनुसार उमेदवारी दर्ता सकिएको छ । आज साझसम्म उमेदवारी फिर्ताको समय रहने र भोली बिहान मतदान हुनेछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच