काठमाडाैं । एसएस फाउण्डेशनले एशियाली खेलकदमा रजत पदक विजेता खेलाडी र प्रशिक्षकलाई सम्मान गरेको छ ।
सोमवार शुभ दीपावलीको अवसरमा एशियाली खेलकुदमा रजत पदक प्राप्त गर्न सफल खेलाडी र प्रशिक्षकलाई सम्मान गरिएको हो । चीनको हाङझाउमा जारी १९ औं एशियाली खेलकुदको करातेमा एरिका गुरुङले रजत पदक प्राप्त गर्नुभएको थियो । पदक विजेता खेलाडी गुरुङ र उनका प्रशिक्षकलाई फाउण्डेशनले प्रमाणपत्र र ३१ हजार नगदसहित सम्मान गरेको हो ।
सम्मान प्रदान गर्दै राष्ट्रिय प्रजातन्त्र पार्टीका सांसद पशुपति समशेर जबराले नेपालले अरु क्षेत्रमा प्रगति गर्न नसके पनि खेल क्षेत्रमा विशेष सफलता हासिल गरेको बताउनु भयो । उहाँले खेलकुदमा हासिल गरेको सफलताले अझै शिखर चुम्नुपर्ने बताउनु भयो । उहाँले जलश्रोतमा नेपालको अपरा सम्भाव्यता रहेको बताउनु भयो ।
उहाँले भन्नुभयो, ‘नेपालले अरु क्षेत्रमा प्रगति गर्न नसके पनि खेल क्षेत्रमा विशेष सफलता हासिल गरेको छ । यो खेलकुदमा हासिल गरेको सफलता र जलश्रोतमा भएको अपार सम्भाव्यताले हरेक तिहारमा नेपाललाई उज्यालो पारोस् ।’
सो अवसरमा फाउण्डेशनले दोलखाली पत्रकार समाजको अध्यक्ष भएकोमा फोटो पत्रकार ज्ञानेन्द्र कार्कीलाई पनि सम्मान गरेको थियो ।
Like
Love
Happy
Surprised
Sad
Excited
Angry
निजामती सेवामा व्यापक पुनःसंरचनाको तयारी
धान बालीमा कृषि यान्त्रीकरण :
मध्यपूर्वको अवस्था सहज भएसँगै पेट्रोलियम
मुगुमा जातीय विभेद अन्त्यका लागि
श्रीमान् हत्या आरोपमा श्रीमतीसहित छोरा
केटाकेटी आए गुलेली खेलाए…