धादिङ । धादिङको बेनिघाट रोराङ गाउँपालिका-३ हिलटप मोडमा बस र ट्रक एकापसमा ठोक्किँदा २० जना भन्दा बढि घाईते भएका छन् ।
काठमाडौंबाट चितवन तर्फ जादै गरेको बा५ख ५०७१ नम्बरको बस र विपरीत दिशाबाट आउँदै गरेको लु२ख ५२६८ नम्बरको ट्रक हिलटप मोडमा एकआपसमा ठोक्किएको जिल्ला प्रहरी कार्यालय धादिङका सूचना अधिकारी(डिएसपी) सन्तुलालप्रसाद जैसवारले जानकारी दिनुभयो ।
घाइतेहरुको मलेखुको राजमार्ग अस्पताल र मलेखु टिचिङ अस्पतालमा उपचार भइरहेको जैसवारले बताउनुभयो । बसका चालकसहित ३ जना गम्भिर घाईते रहेका छन् ।
बसमा काठमाडौंस्थित कलकींबाट चितवन देवघाट हिँडेका ३० जना तिर्थयात्री रहेको खुलेको छ । दुर्घटनापछि पृथ्वी राजमार्ग एकतर्फी सुचारु रहेको डिएसपी जैसवारले बताउनुभयो ।
