कैलाली । नेकपा एमाले कैलालीको अध्यक्षमा यज्ञराज ढुंगाना विजयी हुनुभएकाे छ । पूर्व प्रदेश सचिवालय सदस्यसमेत रहेका ढुंगाना प्रतिद्वन्द्वी निर्वतमान सचिव डेजी पाण्डेलाई पराजित गर्दै विजयी हुनुभएकाे हाे ।
ढुंगानाले २ सय ८७ मत प्राप्त गर्दा पाण्डेले दुई सय १८ मत ल्याउनु भएकाे छ । यस्तै अध्यक्षका अर्का प्रतिद्वन्द्वी दुर्गाप्रसाद जोशीले ६३ मत पाउनुभयाे । उहाँ हालका कार्यवाहक अध्यक्षसमेत हुनुहुन्छ । अध्यक्षमा तीन जनाले प्यानलसहित उम्मेदवारी दिएका थिए ।
यस्तै उपाध्यक्षमा पाण्डे प्यानलका लोकेन्द्रबहादुर शाही पाँच मतले विजयी हुनुभयाे । उहाँले एक सय ९३ मत पाउँदा प्रतिद्वन्द्वी दलबहादुर बिष्टले एक सय ८८ मतमा चित्त बुझाउनु भएकाे छ ।
उपाध्यक्षका उम्मेदवार विष्णु चौधरीले एक सय ६ मत, मदनराज ओझाले ३३ मत र गजेन्द्र स्वारले २७ मत ल्याउनु भएकाे छ ।
सचिवमा भने पाण्डे प्यानलका ममताप्रसाद चौधरी विजयी हुनुभएकाे छ । चौधरी दुई सय ४३ मतसहित विजयी हुँदा उहँका प्रतिद्वन्द्वी ढुंगाना प्यानलका विष्णुकुमार चन्दले एक सय ६८ मत मात्रै पाउनुभएकाे छ ।
सचिवकै अर्का उम्मेदवार दानबहादुर विश्वकर्माले एक सय ४७ मत प्राप्त गर्नुभएकाे छ । उपसचिव (खुला) मा भने ढुंगाना प्यानलका चुडामणी भट्ट विजयी हुनुभयाे ।
भट्ट दुई सय ५१ मत पाएर विजयी हुँदा उहाँका प्रतिद्वन्द्वी भुवन रिजालले एक सय २३ मत पाउनुभयाे । यस्तै अर्का उम्मेदवार नृप थ्यायत खड्काले ९५ र राजु गुरूङले ७१ मत पाउनुभयाे ।
उपसचिव (महिला) मा गंगाकुमारी चौधरी एक सय ९६ मतसहित विजयी हुनुभएको छ । उहाँका प्रतिद्वन्द्वी शान्तिदेवी सिंहले एक सय ६१, रत्ना कुँवर जोशीले ९४ र अम्बिका विष्टले ९० मत पाउनु भएकाे छ ।
फागुन ६ गते सुरू भएको एमाले नवौँ अधिवेशनमा छैटौं दिन शुक्रबार मात्र मतदान भएको थियो । कुल पाँच सय ९१ प्रतिनिधि रहेकोमा पाँच सय ७७ मत खसेको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच