भोजपुर । ‘कला, संस्कृतिको जगेर्ना र हस्तान्तरण तपाईं हाम्रो उत्तरदायित्व’ नाराका साथ सुरु भोजपुर गट ट्यालेन्ट नृत्य तथा गायन प्रतियोगिताको फाइनल चरण संस्कृति, पर्यटन तथा नागरिक उडययन मन्त्री सुदन किरातीको आतिथ्यमा हुने भएको छ । प्रतियोगिता अन्तर्गतको फाइनल चरणका लागि अहिले तयारी भई रहेको आयोजक डाइमण्ड क्रु सेन्टरका संयोजक सुसन घिमिरेले बताउनुभयो ।
आगामी फागुन १९ गते हुने फाइनल प्रतियोगितामा राष्ट्रिय कलाकारहरु मेलिना राई, धिरज राई, सुवोध गौतमलगायतका कलाकारहरुको पनि प्रस्तुति रहने आयोजकले जानकारी दिएको छ । भोजपुर फिल्मस प्रालि र डाइमण्ड क्रु सेन्टरको आयोजनामा भई रहेको प्रतियोगिताको फाइनल चरणमा नृत्य तर्फ छ जना र गायत तर्फ छ जना गरी १२ कलाकार छनौट गरिएको छ ।
फाइनल चरणका लागि नृत्य तर्फ आकृति राई, भिमराज तामाङ, कौशिका ल्वागुन, श्रीया राई, सृजना तामाङ र युनिशा बस्नेतलाई छनौट गरिएको छ । यस्तै गायन तर्फ छनौट हुनेमा अनिल राई, दिक्षा राई, पारस राई, प्रिन्स राई, सन्खु राई र सुजन खडका रहेको संयोजक घिमिरेले बताउनुभयो ।
प्रतियोगितामा प्रथम, दोस्रो र तेस्रो हुनेले ट्रफी, मेडल र प्रमाण पत्रसहित नगद पुरस्कार समेत पाउने छन भने नृत्य र गायन एक वर्ष निशुल्करुपमा सिक्ने अवसर पाउने छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच