काठमाडौं । ‘धेरै भो’, ‘रुमाल लुकाई लुकाई खेल्दा’, ‘हुँदैन कसैको मुटु ढुंगाको’ लगायतका गीतमार्फत् गायनमा स्थापित सञ्जयकिशोर श्रेष्ठले झण्डै दुई दशकपछि नयाँ गीत ‘तिमी जस्तै’ श्रोता/दर्शकमाझ ल्याउनुभएको छ । काठमाडौं जमलस्थित विश्वज्योति चलचित्र भवनमा पत्रकार सम्मेलनको आयोजना गर्दै उहाँले गायनमा पुनः आगमन गर्दा पाएको साथले हौसला मिलेको बताउनुभयो ।
‘पुनः गायनमा सक्रियता बढाउने जमर्को गरेको छु । जेम्स दाइका कारण यो सम्भव भएको हो । आशा छ, पहिलाझैँ माया पाउने छु,’ गायक श्रेष्ठले भन्नुभयो, ‘समयअनुसार आफूलाई परिमार्जित गर्ने कोसिस गरेको छु । आगामी दिनमा पनि समयसापेक्ष गीत सार्वजनिक गर्ने छु ।’
सार्वजनिक गीतमा जेम्स प्रधानको शब्द र संगीत रहेको छ भने गीतको भिडियो पनि जेम्सले नै निर्देशन गर्नुभएको हो, भिडियोमा गायक श्रेष्ठ नै देखिनुभएको छ ।
कार्यक्रममा शशी गुरुङ, भीम तुलाधर, बबिन प्रधान, कविन्द्र श्रेष्ठ, डिजाइनर अनिल स्थापित, सञ्चारकर्मी तथा गीतकार नरेश भट्टराईले गायक श्रेष्ठको गायन यात्राका बारेमा चर्चा गर्दै शुभकामना दिनुभएको थियो । सार्वजनिक भिडियोमा जेसिका प्रधानको रंग संयोजन र सम्पादन, जेम्स प्रधानको शब्द र संगीत, श्याम तामाङले छायांकन गर्नुभएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच