काठमाडौं । समृद्धिका लागि हरित ऊर्जा भन्ने नाराका साथ वैशाख १२ गतेदेखि काठमाडौंमा आयोजना हुन गइरहेको चौथो संंस्करणको हिमालयन हाइड्रो एक्स्पोको सबै तयारी पूरा भएको छ । आयोजक स्वतन्त्र ऊर्जा उत्पादकहरूको संस्था, नेपाल (इप्पान) र एक्स्पो एण्ड इभेन्ट म्यानेजमेन्ट सर्भिसेज प्रालिले शुक्रबार काठमाडौंमा पत्रकार सम्मेलन गर्दै एक्स्पोको सबै तयारी पूरा भएको जानकारी दिएका हुन् ।
वैशाख १२ देखि १४ गतेसम्म भृकुटीमण्डपमा हुने एक्स्पोको पहिलो दिन बिहान विद्युतीय सवारी (इभी) र्याली हुने र वैशाख १३ गते राष्ट्रपति रामचन्द्र पौडेलबाट एक्स्पो उद्घाटनको कार्यतालिका तय भएको इप्पानका अध्यक्ष गणेश कार्कीले पत्रकार सम्मेलनमा बताउनुभयो ।
विद्युत्को आन्तरिक खपत बढाउन र वातावरणमैत्री सवारीसाधन प्रयोगबारे जनचेतना अभिवृद्धि गर्ने उद्देश्यसहित आयोजना गरिने इभी र्याली स्काई वाक टावर कमलादीबाट सुरु भई विद्युत् प्राधिकरण, सिंहदरबार, कोटेश्वर, ग्वार्को, जावलाखेल, थापाथली, शीतल निवास, बालुवाटरलगायतका मुख्य स्थान हुँदै करिब २६ किलोमिटरको यात्रा तय गरी एक्स्पो स्थल भृकुटीमण्डपमा समापन हुनेछ । र्यालीमा विद्युत्बाट चल्ने दुर्ईपांग्रे, तीनपांग्रे, चारपांग्रे र छपांग्रे इभीलाई निःशुल्करूपमा सहभागी गराइने पनि आयोजकले जनाएको छ ।
पहिलो दिन इभी र्यालीका अलावा उच्चस्तरीय बिजनेस मिटिङ पनि आयोजना हुनेछन् । जसमा भारतका प्रतिष्ठित अडानी गुप, पिटिसीलगायतका कम्पनीका प्रतिनिधिसँग बिजनेस मिटिङ हुनेछ । एक्स्पोमा हालसम्म १२ भन्दा बढी देशका सयभन्दा धेरै स्टल बुकिङ भइसकेको इप्पानले जनाएको छ ।
ऊर्जा, जलस्रोत तथा सिँचाइ मन्त्रालय र लगानी बोर्ड नेपालको संरक्षकत्वमा आयोजना हुने हाइड्रो एक्स्पोको कन्ट्री पार्टनरमा भारतीय राजदूतावास रहेको छ । नेपाल सरकारले भारतमा १० वर्षमा १० हजार मेगावाट विद्युत् दीर्घकालीनरूपमा निर्यात गर्ने सम्झौता भइसकेको तथा आगामी सन् २०३५ भित्र बंगलादेशसमेत गरी १५ हजार मेगावाट विद्युत् निर्यात गर्ने उद्देश्यसहितको २८ हजार पाँच सय मेगावाट विद्युत् उत्पादन गर्ने मार्गचित्र ऊर्जा जलस्रोत तथा सिँचाइ मन्त्रालयले निर्माण गरिसकेको सन्दर्भ र लगानी सम्मेलनको पूर्वसन्ध्यामा आयोजना हुने एक्स्पो ऊर्जा क्षेत्रको समग्र विकासका लागि महत्वपूर्ण हुने इप्पानको दाबी छ ।
नेपालमा उत्पादित विद्युत्को आन्तरिक खपत वृद्धि गर्न तथा निर्यात बजारीकरणको ठूलो सम्भावनाबारेमा ज्ञान र सूचना आदानप्रदान गर्न एक्स्पो उचित गन्तव्य हुने इप्पानका महासचिव बलराम खतिवडाले जिकिर गर्नुभएको छ ।
ऊर्जा समृद्धिका विभिन्न आयामबारे नीतिगत बहसका साथै नयाँ-नयाँ प्रविधि र उपकरण प्रदर्शनी गर्न झण्डै एक दर्जनभन्दा बढी देशको सहभागिता निश्चित भइसकेको एक्स्पो एण्ड इभेन्ट म्यानेजमेन्ट सर्भिसेज प्रालिका कार्यकारी निर्देशक विजयसागर प्रधानले बताउनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच