एजेन्सी । बलिउड अभिनेत्री अनन्या पाण्डे अभिनेता आदित्य रोय कपुरबीच ब्रेकअप भएको छ । अनन्या र आदित्य निकट एक साथीले ब्रेक अपको खबर पुष्टि गरेको भन्दै भारतीय सञ्चारमाध्यमहरूले समाचार प्रकाशित गरेका छन् । हालै टाइम्स अफ इण्डियाले अनन्या पाण्डे र आदित्य रोय कपुरको ब्रेकअप भएको भन्दै दुवैका एक निकट मित्रलाई उद्धृत गर्दै समाचार लेखेको थियो ।
करिब एक महिनाअघि दुवैको ब्रेकअप भएको हो । अनन्या यो ब्रेकअपबाट अगाडि बढ्न खोजिरहेकी बताइएको छ । गत महिना अनन्या पाण्डेकी दिदी अलाना पाण्डेको बेबी शावरमा आदित्य रोय कपूर पनि उपस्थित हुनुहुन्थ्यो । तर, केही समयपछि नै उनीहरूको ब्रेकअपको खबर आउन थालेको हो ।
अनन्याले पोस्टमार्फत आदित्यसँगको सम्बन्धबारे संकेत दिनुभएको थियो । अनन्या पाण्डेले गत महिना आफ्नो इन्स्टाग्राममा एउटा लामो स्टोरी पोष्ट गर्नुभएको थियो । ‘कुनै चिज तिम्रै लागि बनेको हो भने त्यो फर्केर पक्कै तिमीकहाँ आउनेछ । जान्छ भने ऊ केवल पाठ पढाउनमात्रै आएको हो । यो कुरा हामी आफैंले सिक्ने हो’ पोष्टमा उहाँले भन्नुभएको थियो ।
अनन्या पाण्डे र आदित्य विगत दुई वर्षदेखि सम्बन्धमा हुनुहुन्थ्यो । दुवैलाई धेरै पटक सँगसँगै देखिएको थियो । कफी विथ करणको पछिल्लो सिजनमा पनि अनन्या पाण्डेले पनि यस सम्बन्धबारे संकेत दिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच