काठमाडौं । आगामी साउन १८ गतेदेखि सिनेमाघरमा आउने तयारीमा रहेको चलचित्र ‘मोदीबेनी’का दुई पोस्टर सार्वजनिक गरिएको छ । चलचित्रका प्रमुख कलाकार अमरप्रताप श्रेष्ठ र वर्षा सिवाकोटीलाई फिचर गरिएका दुई छुट्टाछुट्टै पोस्टर बिहीबार सार्वजनिक गरिएको हो ।
पोस्टरमा यसै चलचित्रबाट डेब्यु गर्नुभएका अभिनेता श्रेष्ठलाई ‘एंग्री योङ म्यान’को रूपमा देखाइएको छ । अभिनेत्री सिवाकोटीलाई पोस्टरमा रहस्यमय अवतारमा देखाइएको छ ।
चलचित्रका निर्देशक शंकर कोइरालाले चलचित्रको कथामा आधारित रहेर पोस्टर तयार पारिएको जानकारी गराउनुभयो । पर्वत जिल्लाको मोदीबेनी क्षेत्रमा घटेको अविश्वसनीय घटनामा आधारित रहेर बनेको यो चलचित्रको कथामा त्यहाँको मात्र कथा नभई नेपालको जुनसुकै स्थानमा पनि त्यस्ता घटनाहरू भइरहेको पाइने उहाँको भनाइ छ ।
सार्वजनिक पोस्टर डिजाइन रोयल भीमसेनले गर्नुभएको हो । उलचित्रमा अमर र वर्षासहित रेजिना उप्रेती, प्रवीण खतिवडा, सरोज खनाल, दिलीप केसी, कमलमणि नेपाल, जीवन भट्टराई, सरोज अर्याल, अनामिका लामिछाने, स्नेहा भट्टराई, लाबिस लगायतको अभिनय छ ।
डिनेस्ट इन्टरटेनमेन्टको प्रस्तुतिमा बनेको चलचित्रलाई आनन्द बिक्रम क्षेत्रीले लेख्नुभएको हो । दिलीप के.सी. निर्माता र हरि श्रेष्ठ सह-निर्माता रहेको चलचित्रमा उत्सव दाहालको डिओपी, भरत रेग्मीको सम्पादन, दीपेन्द्र गौतम (माइकल)को प्रोडक्शन डिजाइन, श्याम बरालको मेकअप, गीता पौडेलको हेयर डिजाइन, भीम श्रेष्ठको ड्रेस डिजाइन र सगुन तामाङको प्रमुख सहायक निर्देशन छ । चलचित्रलाई ऋच इन्टरटेन्मेन्टले काठमाडौं उपत्यका र एफडी कम्पनीले उपत्यका बाहिर वितरण गर्दैछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच