भोजपुर । मनसुन सक्रियतासँगै निरन्तर बर्षा भएपछि पुर्वी पहाडी जिल्ला भोजपुरका ग्रामीण सडकहरु अवरुद्ध बनेका छन् ।
निरन्तरको बर्षासंगै कच्चीसडकहरु अवरुद्ध बनेका हुन् । जिल्लाका ९ वटा स्थानीय तहहरुमा रहेका ग्रामीण सडकहरु निरन्तर बर्षाका कारण हिलाम्मे बन्दा सहज आवत जावतमा समस्या भएको छ । निरन्तरको बर्षाको कारण पुष्पलाल मध्य पहाडी राजमार्गअन्तर्गत भोजपुरको टेम्केमैयुङ गाउँपालिका वडा नम्वर ३ मेसपाङको पक्की सडकसमेत भासिएको छ । सडक भासिएपछि भोजपुरबाट खोटाङ हुँदै काठमाडाैं चल्ने सवारीका साधनहरुसमेत नचल्ने अवस्थामा पुगेका छन् । यो सडक दैनिक सवारीका साधनहरु संचालन हुने ब्यस्त सडक हो ।
निरन्तरको बर्षाले सडकहरु अवरुद्ध हुन थालेको टेम्केमैयुङ गाउँपालिकाका अध्यक्ष सरोज बस्नेतले बताउनुभयो । “ग्रामीण सडकहरुमा घाम लाग्दा सवारी साधन चल्ने र बर्षातसंगै सडक बन्द हुने गरेका कारण समस्या हुने गरेको छ ।” अध्यक्ष बस्नेतले भन्नुभयो । अविरल बर्षाको कारण सडक तथा घरहरु जोखिमा परेको सूचना आई रहेको बताउँदै अध्यक्ष बस्नेतले सवै नागरिकलाई सजक र सचेत रहन आग्रह गरिएको बताउनुभयो ।
हिलोका कारण यातायातका साधन सञ्चालनमा कठिनाई भएको यातायत ब्यवसायीहरुको भनाई छ । “ग्रामीण सडक त अवरुद्ध हुने भई गयो, तराईबाट आवत जावत गर्ने पिच सडकहरु त कति बेला अवरुद्ध हुने टुंगो हुदैन ।” यातायात ब्यवसायी बिपिन नेपालले भन्नुभयो । धरान धनुकटा सडकहरु त अवरुद्ध हुन्छन, जिल्लाका ग्रामीण सडक त हिलाम्मे भई हाल्छन ।
ग्रामीण सडक वर्षाको समयमा जति मर्मत गरे पनि एक दिनको झरीले पूरै बिग्रिने भएकाले तत्काल मर्मत र सञ्चालनमा समस्या हुने गरेको छ । बर्षाको समयमा सडकको स्तरोन्नतीगर्न समस्या हुने भएकाले केही समय ग्रामीण सडकहरु संचालन नहुने अवस्थामा रहेका कारण जिल्लावासीहरु मारमा परेका छन ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच