गुल्मी । गुल्मीमा पहिरोले घर पुरिँदा चार जनाको मृत्यु भएको छ । आज (मङ्गलबार) बिहान करिब ९:०० बजेको समयमा जिल्लाको मुसिकोट नगरपालिका वडा नम्बर - १ बिसौना बस्ने विष्णु विक र हुकुम विकको घर माथिबाट आएको लेदोसहितको पहिरोले घर पुरिँदा चार जनाको मृत्यु भएको जिल्ला प्रहरी कार्यालय गुल्मीका प्रहरी निरीक्षक रामकुमार केसीले जानकारी दिनुभयो ।
प्रहरी निरीक्षक केसीका अनुसार पहिरोले घर पुरिँदा ६७ वर्षीय हुकुम विक, निजका ४६ वर्षीय छोरा गोरे विक, बहिनी विष्णु विकको आमा ६६ वर्षीय मसुरी विक र विष्णु विकको ढाई वर्षीय छोरी रियन्सी विकको मृत्यु भएको हो ।
त्यस्तै, पहिरोका कारण घर पुरिँदा दुई जना घाइते भएका छन् । ३१ वर्षीय विष्णु विक र निजको श्रीमती २३ वर्षीया मुना विक घाइते हुनुभएको छ । उहाँहरुको शरीरका विभिन्न भागमा चोट लागेको उहाँले जानकारी दिनुभयो । घाईते दुवै जनालाई उपचारको लागि स्थानीय स्वास्थ्य चौकीतर्फ पठाइएको जिल्ला प्रहरी कार्यालयले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच