बार्सिलोना । प्रि-सिजन मैत्रीपूर्ण खेलमा क्याटलान क्लब बार्सिलोना एसी मिलानसँग पराजित भएको छ । बुधबार बिहान भएको इटालियन लिग क्लबले पेनाल्टी सुटआउटमा बार्सिलोनालाई ४-३ ले पराजित गरेको हो । निर्धारित समयमा मिलानका लुका जोकोभिच र किश्चियन पुलिसिकले गोल गर्नुभएको थियो ।
यद्यपि, बार्सिलोनाका रोबर्ट लेवान्डोस्कीले दुई गोल गरेपछि खेल बराबरीमा सकिएको थियो । त्यसपछि विजेताको छिनोफानो पेनाल्टी सुटआउटमार्फत् गरिएको हो । पेनाल्टीमा मिलानका डेभिड क्यालाब्रिया, नुह ओकाफोर, यासिन अड्ली र केभिन जेरोलीले गोल गर्नुभयो । बार्सिलोनाका मार्क बर्नल, एन्टोनियो फर्नान्डेज र भिटर रोकेले मात्रै गोल गर्न सक्नुभयो ।
यसैगरी स्पेनिस क्लब रियल म्याड्रिडले प्रि–सिजनको मैत्रीपूर्ण खेलमा चेल्सीलाई पराजित गरेको छ । बुधबार बिहान भएको खेलमा रियलले इङ्लिस प्रिमियर लिग क्लबलाई २-१ ले पराजित गरेको हो । १९औँ मिनेटमा लुकास भाजक्वेजले गोल गर्दै रियललाई अग्रता दिलाउनुभएको थियो । २७औँ मिनेटमा ब्राहिम डियाजले अग्रता दोब्बर बनाउनुभयो । ३९औँ मिनेटमा नोनी मडुकेले गोल गरे पनि चेल्सीलाई जिताउन सक्नुभएन । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच