-गणेश सिंह धामी
दार्चुला । दार्चुलाको सदरमुकाम खलंगाको एक होटेल बाट शुक्रबार राती जुवा खेलिरहेकाे अवस्थामा ६ जनालाई प्रहरीले पक्राउ गरेको छ ।
जिल्लाको महाकाली नगरपालिका वडा नम्बर-४ तिंकरखेडा पिपलबोट नजिक रहेको बडाल फास्टफुड सेन्टरमा जुवा खेलिरहेका ६ जनालाई पक्राउ गरेको जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्र बहादुर सिंहले जानकारी दिनुभयो ।
उहाँकाअनुसार जुवातास खेलिरहेकाहरुबाट प्रहरीले १ लाख २४ हजार ८४०रूपैँया पनि बरामद गरेको छ । पक्राउ पर्नेमा दुहुँ गाउँपालिका-२ का जनक बडाल, नौगाड गाउँपालिका-१का जनक ठेकरे, महाकाली नगरपालिका-१ का मोहन महरा, मालिकार्जुन गाउँपालिकाका निरज धामी, दुहुँ गाउँपालिका-५ का देबराम पार्की र नौगाड गाउँपालिका- ४ का कृष्ण सिह धामी रहेका छन् ।
प्रहरीले विशेष सुचनाको आधारमा फास्टफुड सेन्टरमा छापा हान्दा उनीहरु पक्राउ परेको बताएको छ । उनिहरू माथि थप अनुसन्धान भइरहेको जिल्ला प्रहरी कार्यालय दार्चुलाले जनाएको छ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच