काठमाडौं । चलचित्र ‘नरसिंहाः अवतार’मा नीति शाह अनुबन्धित हुनुभएको छ । निर्माणपक्षले नितीको एउटा लुक्स सार्वजनिक गर्दै उहाँ चलचित्रमा अनुबन्धित भएको जनाएको हो । सार्वजनिक लुक्समा नितीलाई महंगो पहिरन र महंगा गहनामा सजिएकी सुन्दरीका रूपमा देखाइएको छ । चलचित्रमा उहाँको भूमिका के हुन्छ भन्ने निर्माण पक्षले अहिलेसम्म सस्पेन्स नै राखेको छ ।
निर्देशक दिवाकर भट्टराई निर्देशन गर्न लाग्नुभएको यो चलचित्रबाट महानायक राजेश हमाल आठ वर्षपछि कमव्याक गर्न लाग्नुभएको छ । निर्माणपक्षले बिहीबार चलचित्रको घोषणा गरिएसँगै थिम पोष्टर सार्वजनिक गरेको थियो । जहाँ, थिम पोष्टरले युद्धको संकेत गरेको छ ।
सार्वजनिक पोस्टरमा प्रयोग गरेको दायामा रातो (आगो) र दायातर्फ निलो समुद्रको रंगले चलचित्रको कथा युद्ध र शान्तिको हुने संकेत गरेको छ । शान्तिका लागि द्वन्द्व हुने थिम पोष्टरले संकेत गरेको यसले पनि चलचित्र द्वन्द्वप्रधान हुने प्रष्ट छ । आगो र पानिले आफ्नो अस्तित्व एकै ठाउँमा रहेर जोगाउन सक्दैनन् । त्यसैले यो लडाइँमा कसले जित्छ भन्ने हो । त्यसैले यसमा भरपुर एक्सन हुने अनुमान लगाउन सकिन्छ ।
क्रिएटिभ सिने आर्टको प्रस्तुति रहने चलचित्र यही भदौबाट छायांकनमा जाने तयारीमा छ । निर्देशक भट्टराईको अर्को चलचित्र ‘मायावी’ प्रदर्शनको तयारीमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच