झापा । इटालियन पेस्तोल र त्यसमा प्रयोग हुने दुईवटा म्याग्जिनसहित झापामा एक युवा पक्राउ परेका छन् । पक्राउ पर्ने युवा दमक नगरपालिका ८ का ३६ वर्षीय सञ्जीव गजमेर हुन् ।
उनलाई दमक प्रहरीले को.३८ प.५६४९ नम्बरको स्कुटरसहित दमक ५ को सहायक सडकबाट पक्राउ गरेको हो । गजमेरको साथबाट प्रहरीले मेड इन इटली अटो मिसाइल लेखिएको 7657 Round No 02 को पेस्तोल बरामद भएको छ ।
गजमेरले पेस्तोल स्कुटरको अगाडि पट्टीको भित्री भागमा लुकाएर राखेका थिए । आफूले लगाएको जिन्स पेण्टको गोजीमा म्याग्जिन राखेर गजमेर गन्तव्यमा जाँदै थिए । विषेश सूचनाको आधारमा पक्राउ परेका उनलाई इलाका प्रहरी कार्यालय दमकमा राखेर अनुसन्धान सुरु गरिएको छ ।
गजमेर के प्रयोजनका लागि कहाँ जाँदै थिए, त्यो भने प्रहरीले गोप्य राखेको छ । हिजो मात्रै प्रहरीले भरुवा बन्दुकसहित झापा अर्जुनधाराबाट तीनजना युवालाई पक्राउ गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच