वासिङ्टन । लेस्ली उगोचुकवुले अन्तिम समयमा गरेको गोलसँगै घरेलु टोली चेल्सी प्रि-सिजन मैत्रीपूर्ण खेलमा हारबाट जोगिएको छ । स्टामफोर्ड ब्रिजमा आइतबार राती भएको खेलमा चेल्सी पाहुना टोली इन्टर मिलानसँग १-१ को बराबरीमा रोकिएको हो ।
इन्टरका मार्कस थुर्रमले गोल गर्नुभयो । चेल्सीका लेस्ली उगोचुकवुले गोल फर्काउनुभयो । यसैगरी एथ्लेटिको मड्रिडले प्रि-सिजन मैत्रीपूर्ण खेलमा युभेन्ट्समाथि सहज जित हासिल गरेको छ । ला लिगा क्लब २-० ले विजयी भएको हो । एथ्लेटिकोका लागि जोआओ फेलिक्स र एन्जिल कोरियाले गोल गर्नुभयो ।
लिभरपुल प्रि-सिजनको अन्तिम मैत्रीपूर्ण खेलमा लस पाल्मससँग लिभरपुल गोलरहित बराबरीमा रोकिएको छ । घरेलु मैदान एनफिल्डमा आइतबार भएको खेलमा लिभरपुलले अधिकांश दोस्रो रोजाइका खेलाडीलाई मौका दिएको थियो । आइतबार नै भएको पहिलो मैत्रीपूर्ण खेलमा भने लिभरपुलले सेभियाविरुद्ध ४-१ को सहज जित निकालेको थियो ।
यसैगरी आर्सनलले प्रि-सिजन मैत्रीपूर्ण खेलमा लियोनमाथि सहज जित हासिल गरेको छ । आइतबार सम्पन्न खेलमा प्रिमियर लिग क्लब २-० ले विजयी भएको हो । आर्सनलका लागि विलियम सालिबा र गेब्रियल मैगल्हेल्सले गोल गर्नुभयो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच