काठमाडौं । फिल्म ‘किङ’मा बलिउड नायक शाहरुख खान र उहाँकी छोरी सुहानाको अभिनय रहने पक्का भएको छ । शाहरुखले भर्खरै एक अन्तरवार्तामा यसको पुष्टि गर्नुभएको हो ।
यो शाहरुख र सुहानाको पहिलो सहकार्य हो । शाहरुखले यस फिल्ममा अनुबन्ध हुनुको कारणबारे पनि खुलासा गर्नुभएको छ। पछिल्लो सात वर्षदेखि आफूले गर्न चाहेको कथा भएकाले यस फिल्ममा जोडिएको उहाँले बताउनुभयो ।
स्विट्जरल्याण्डमा जारी लोकार्नो फिल्म फेस्टिभलमा जिओना ए नाजारोसँगको कुराकानीमा शाहरुखले आफ्नो आगामी फिल्म ‘किङ’ रहेको बताउनुभएको हो। यस फिल्ममा उहाँकी छोरी सुहाना यसअघि नै अनुबन्ध भइसक्नुभएको छ । यस फिल्मको खलपात्रको भूमिकामा अभिषेक बच्चन रहनुभएको छ ।
‘म फिल्म गर्नुअघि साथीहरू र फिल्म क्षेत्रका मान्छेहरूलाई यस्तो कथामा काम गर्न मन छ भनेर कुरा राख्छु । उनीहरूले त्यहीअनुसारको कथा सुनाए भने काम गर्छु,‘ उहाँले भन्नुभयो, ‘म पछिल्लो ७ वर्षदेखि उमेर केन्द्रित फिल्म गर्न चाहिरहेको थिएँ । सुयोगले घोशले मेरो अफिसमा आएर तपाईंले खोजे जस्तो कथा छ।'
एजेन्सीकाे सहयाेगमा
यो पनि पढ्नुहोस्
कार्यसम्पादन सम्झौता कि कागजी घोडा ?
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच