काठमाडौं । ‘कन्हैया-अञ्जना राष्ट्रिय संगीत पुरस्कार-२०८१’ वरिष्ठ लोकगायक रेशम थापालाई अर्पण गरिएको छ । काठमाडौंमा आयोजित एक विशेष समारोहमा उहाँलाई नेपाली सांगीतिक क्षेत्रका लोकप्रिय गायन जोडी कन्हैया सिंह परियार तथा अञ्जना गुरुङद्वारा स्थापना गरिएको यो पुरस्कार अर्पण गरिएको हो । प्रज्ञा भवनमा टीका गोपाल एमक्रिएयन प्रालिले आयोजना गरेको समारोहमा लोकगायक थापालाई ५१ हजार रुपैयाँ राशिको उक्त पुरस्कार अर्पण गरिएको थियो ।
गायक थापा काठ क्षेत्रमा ख्याति कमाउनुभएका गायक हुनुहुन्छ । उहाँले गाएका सयौं गीतमध्ये ‘खानी खोला, रुमालै छ चिनो, पराई घर, मेरो फोटो किन जलायौ, भेटेँ जोडीलाई, डालीको फूल, घायल मुटु, बेसी टारी खेत, न्याउली किन रुँदैछ, लाग्यो भिषा, चौतारा दोलालघाट’ लगायत लोकप्रिय छन् ।
टीका गोपाल डिजिटल एमक्रियसन प्रालिका सञ्चालक तथा कन्हैया-अञ्जना राष्ट्रिय संगीत पुरस्कार समितिका अध्यक्ष गीता सिंहको अध्यक्षतामा आयोजित समारोहमा संगीत रत्न शम्भुजित बासकोटा, गीतकार विश्व बल्लभ, संगीतकार सन्तोष श्रेष्ठ, गायक कन्हैया सिंह परियार, गायिका अञ्जना गुरुङलगायतले गायक थापालाई पुरस्कारको धनराशिसहित ताम्रपत्र अर्पण गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच