नयाँदिल्ली । भारतीय क्रिकेट खेलाडी शिखर धवनले अन्तर्राष्ट्रिय र घरेलु क्रिकेटबाट सन्न्यास लिनुभएको छ । उहाँले शनिबार सामाजिक सञ्जालमार्फत् अन्तर्राष्ट्रिय र घरेलु क्रिकेटबाट सन्न्यासको घोषणा गर्नुभएको हो । सन्न्यासको घोषणा गर्दै उहाँले सबै प्रशंसकहरूलाई धन्यवाद दिनुभएको छ । ३७ वर्षीय खेलाडीले सन् २०१० मा भारतका लागि डेब्यु गर्नुभएको थियो ।
आफ्नो १३ वर्षको करियरमा उहाँले ३४ टेस्ट, १६७ एकदिवसीय र ६८ टी-२० खेलमा भारतको प्रतिनिधित्व गर्नुभयो । धवनले आफ्नो पहिलो टेस्ट अष्ट्रेलियाविरुद्ध मोहालीमा खेल्नुभएको थियो । धवनले अन्तिम पटक सन् २०१८ मा टेस्ट खेल्ने मौका पाउनुभएको थियो ।
उहाँले क्रिकेटको सबैभन्दा लामो फम्र्याटमा ४०.६१ को औसतमा २३१५ रन बनाउनुभएको छ । यस अवधिमा उहाँले सात शतक र पाँच अर्धशतक प्रहार गर्नुभयो । धवनको सर्वाधिक १९० रन रहेको छ ।
शिखरले भारतका लागि आफ्नो पहिलो ओडिआई सन् २०१० मा अस्ट्रेलियाविरुद्ध विशाखापट्टनममा खेल्नुभएको थियो । उहाँले १६७ खेलमा ६७९३ रन बनाउनुभएको छ । धवनले ४४.११ को औसत र ९१.३५ को स्ट्राइक रेटमा रन बनाउनुभएको हो । उहाँको नाममा १७ शतक र ३९ अर्धशतक छ । आफ्नो टी-२० करियरको कुरा गर्दा धवनले ६८ खेलमा १७५९ रन बनाउनुभयो ।
उहाँले आफ्नो ब्याटबाट ११ अर्धशतक बनाउनुभयो । धवनले आइपिएलमा पनि धेरै रन बनानुभएको छ । उहाँ यस प्रतियोगिताको इतिहासमा सबैभन्दा सफल ब्याट्सम्यान हो । उहाँ विराट कोहलीपछि सबैभन्दा धेरै रन बनाउनेमा दोस्रो स्थानमा हुनुहुन्छ । धवनले आइपिएलका २२२ खेलमा ६७६९ रन बनाउनुभएको छ । यस अवधिमा उहाँले दुई शतक र ५१ अर्धशतक बनाउनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच