काठमाडौं । म्युजिक भिडियो निर्देशनको क्षेत्रमा पृथक पहिचान बनाउनुभएकी बबिता श्रेष्ठ ‘मलेकु’ को निर्देशनमा तयार भएको नयाँ गीतको भिडियो ‘उत्ताउलो जवानी’ सार्वजनिक गरिएको छ । वरिष्ठ संगीतकार सुरेश अधिकारीको प्रमुख आतिथ्यतामा भिडियो सार्वजनिक गरिएको थियो ।
गायिका अन्नु चौधरी र सिडी विजय अधिकारीको स्वर रहेको गीतको भिडियोमा सागर लम्साल ‘बले’, अलिसा शर्मा र ग्रीष्मा पौडेललगायतको अभिनय छ । कथानक चलचित्रहरूमा प्रस्तुत गरिने आइटम नृत्यको शैलीमा तयार भएको गीतले दर्शकको मन जित्नसक्ने विश्वास निर्देशक श्रेष्ठले लिनुभएको छ ।
नृत्य निर्देशन रोशन विश्वकर्मा, शब्द सुजन कोइराला, संगीत सिडी विजय अधिकारीको रहेको गीतको भिडियोलाई उत्तम हुमगाईंले खिच्नुभएको हो ।
