काठमाडौं । असोज ११ गतेदेखि सिनेमाघरमा आउने तयारीमा रहेको चलचित्र ‘आँखा’मा समावेश गीत ‘खुसी’ सार्वजनिक गरिएको छ । नारीहरूको महान् पर्व हरितालिका तीजको अवसर पारेर निर्माण टिमले गीत सार्वजनिक गरेको हो । सार्वजनिक गीतमा शब्द प्रकाश मल्ल र राम अविरल विष्टको छ भने स्वर पवन गिरी र मीना सिंहको छ । दीपक आरजेको संगीत समावेश गीतमा गंगा थापाको एरेञ्ज, राजीव एन्ड्रियू श्रेष्ठको मिक्सिङ/मास्टरिङ छ ।
स्मिता लामिछाने र आरके मेहता फिचर्ड गीतले जिन्दगीको खुसी र त्यसको प्राप्तिको लागि देख्ने सपनाको कथा बोल्छ ।
जौन योञ्जनको निर्देशनमा निर्माण भएको चलचित्रको यसअघि पोस्टर र टिजर सार्वजनिक गरिएको थियो ।
ढाका टोपी फिल्मस्, कार्यक्रम नेपाल, साइलेन्ट एक्ट र ट्राइडेन्ट कन्सेप्टको सहकार्यमा तयार यो चलचित्रमा स्मिता र आरकेसँगै निशा अधिकारी, बुद्धि तामाङ, विजय बराल, सरोज खनाल, पशुपति राई, कृष्णभक्त महर्जन, राजन खतिवडा, प्रवीण खतिवडा, लुनिभा तुलाधर, रविन्द्र झा र अभयराज बराल र बाल कलाकार प्रशन राईलगायतका कलाकारको अभिनय छ । निर्देशक योञ्जनकै कथा, पटकथा रहेको चलचित्रको निर्माता पनि योञ्जन नै हुनुहुन्छ भने नारायणप्रसाद बराल कार्यकारी निर्माता रहँदा राम बस्नेत लाइन प्रोड्युसर र रेनुका कार्की ढोली सह-निर्मातामा हुनुहुन्छ ।
चलचित्रमा कृष्ण भण्डारी र निर्देशक योञ्जनको सम्पादन छ । आलोक शुक्लाको छायांकन रहेको चलचित्रमा संगीत दिपक आरजे र जयन जे वाइबाको छ भने पाश्र्व संगीत गंगा थापाको र ध्वनि मुद्रण किशोर आचार्यको छ । नदी किनार ओगटेर बसेका सुकुम्बासी बस्तीभित्रको ‘आँखा’ यो चलचित्रले खोल्ने प्रयास गरेको निर्माण टिमले बताएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच