काठमाडौं । सिजी मोटर्स प्रालिले हिरो ब्राण्डका मोटरसाइकल र स्कुटर खरिदमा दशैँ, तिहार अफर ल्याएको छ । कम्पनीले हिरो ब्राण्डका मोटरसाइकल तथा स्कुटर किन्दा एक्कासी मालामाल अफर ल्याएको हो ।
हिरोका जुनसुकै मोडलको मोटरसाइकल तथा स्कुटर खरिदमा स्क्र्याच कार्डद्वारा नगद पाँच लाखसम्मको स्योरसट क्यास जित्ने मौकाका साथै बम्पर उपहारमा ‘नेटा भी इभी कार’ जित्ने अफर पनि रहेको छ । कम्पनीले ‘दशैँ तिहार २०८१ को बहार, २ चक्के किन्दा ४ चक्के उपहार’ योजना ल्याएको हो ।
सोही अफरमा हिरोका जुनसुकै मोटरसाइकल तथा स्कुटर खरिदमा आठ हजारदेखि पाँच लाखसम्मको स्योरसट नगद छुट पाइनेछ । सिजी मोटर्सले हिरो मोटोकर्पसँग मिलेर केही समयअघिमात्रै नेपालमा आक्रामक व्यापार योजना घोषणा गरेको थियो ।
साथै नवलपरासीको सिजी इन्डस्ट्रियल पार्कमा प्रतिवर्ष ७५ हजार युनिट मोटरसाइकल एसेम्बल गर्न सक्ने क्षमताको अत्याधुनिक प्लान्टको उद्घाटनसमेत गरिसकेको छ । कम्पनीले मोटरसाइकल तथा स्कुटर खरिदमा पाँचवर्षे वारेन्टीको घोषणाले ग्राहकको थप विश्वास जित्ने जनाएको छ ।
