एजेन्सी । मोउरिसिया पेचेटिनो अमेरिकी पुरुष फुटबल टोलीको मुख्य प्रशिक्षकमा नियुक्त हुनुभएको छ । अर्जेन्टाइन प्रशिक्षक पेचेटिनोले ग्रेज बेरहल्टरको स्थान लिनुहुनेछ । टोली गत जुलाईमा सम्पन्न कोपा अमेरिकाको समूह चरणबाटै बाहिरिएपछि बेरहल्टर बर्खास्तमा पर्नुभएको थियो ।
पेचेटिनोले अमेरिकी फुटबल संघसँग दुई वर्षको सम्झौता गर्नुभएको छ । उहाँ गत जेठमा इंग्लिस क्लब चेल्सी छाडेयता खाली हुनुहुन्थ्यो । पेचेटिनोसँग स्पान्योल, टोटनहम, पेरिस सेन्ट जर्मन (पिएसजी) र साउथहृयाम्पटनको प्रशिक्षण सम्हालेको अनुभव छ ।
