काठमाडौं । गायक नितेशजंग कुँवरले पोखरामा यही शुक्रबार आफ्नो प्रस्तुति दिने भएका छन । झण्डै डेढ वर्षपछि नितेश सार्वजनिक रूपमा आफ्ना गीत पोखराका दर्शकलाई सुनाउन लाग्नुभएको हो । नितेश पोखरास्थित लेकसाइडमा रहेको किङ्ग्स लाउन्जमा गुञ्जिँदै हुनुहुन्छ । यो कार्यक्रममा नितेशसँगै समृद्धि राईको पनि प्रस्तुति रहनेछ ।
पोजेटिभ भाइब्स इन्टरटेनमेन्ट नेटवर्क (पीभीई नेटवर्क) ले आयोजना गर्न लागेको कार्यक्रममा नितेशले ‘फ्लर्टी माया’, ‘म पागल’, ‘माया सस्तो’, ‘सम्हाली राख न’, ‘खोलै खोला’, ‘हितैको माया’लगायतका आफ्ना चर्चित गीत सुनाउनुहुनेछ ।
नितेश यतिबेला उहाँको इपी ‘जेमिनी’को तयारीमा हुनुहुन्छ । ‘जेमिनी’ सार्वजनिक गरेपछि उहाँ यसै वर्ष युरोप टुरको तयारी गर्दैहुनुहुन्छ । पीभीई नेटवर्कमा विकेश कायस्थ, स्टिभ देवान र सुमन महर्जन श्रेष्ठ हुनुहुन्छ ।
