काठमाडौं । असोजको २४ गतेदेखि सिनेमाघरमा आउने तयारीमा रहेको चलचित्र ‘ज्वाइँ साब’को पहिलो गीत ‘कसम बत्तीको’ सार्वजनिक भएको छ । बुधबार काठमाडौंमा एक कार्यक्रमबीच निशान भट्टराई र समीक्षा अधिकारीको स्वर, यादव लम्सालको शब्द, अर्जुन पोखरेलको संगीत रहेको गीतको भिडियो सार्वजनिक गरिएको हो । सार्वजनिक गीतको भिडियोमा चलचित्रका मुख्य कलाकार जितु नेपाल र नीति शाहलाई फिचरिङ गरिएको छ ।
विजय बस्याल कार्यकारी निर्माता रहेको यो चलचित्रमा मीनादेवी खड्का, सौगात पण्डित र पदमलाल तामाङको लगानी छ । राजकुमार पण्डितको प्रस्तुति र वसन्त निरौलाको निर्देशन रहेको चलचित्रमा वुद्धि तामाङ, हिमेश पन्त, रमेश बुढाथोकी, निमा पाण्डे, शिशिर वाङ्देल, कविता आले, दीपक आचार्य, राजकुमार पण्डित, कमलमणि नेपाल, प्रकाश घिमिरे, दीपक अधिकारी, राजेन्द्र नेपाली, सीपी पौडेल, विश्व मुखिया, सुमन राई, रोशन नेपाल, सुनिल तामाङ, नवीन काफ्ले, शिवु पाण्डेलगायत कलाकारको अभिनय छ ।
अर्जुन पोखरेल र महेश ताम्राकारको संगीत रहेको चलचित्रमा संजय थापाको एक्सन, श्याम तामाङको छायांकन, सन्देश शाहको सम्पादन छ । रेड आई फिल्मस्को प्रस्तुति र मौसम फिल्मस्को सहकार्यमा चलचित्र निर्माण भएको हो ।
