काठमाडौं । गायिका सरिता थापामगरले सर्वोत्कृष्ट गायिकाको अवार्ड प्राप्त गर्नुभएको छ । उहाँले हालै भारतको कोलकातामा सम्पन्न भएको इण्डो-नेपाल अन्तराष्ट्रिय अवार्ड-२०२४मा उक्त अवार्ड प्राप्त गर्नुभएको हो । शिव कैलाश कला मन्दिर काठमाडौं नेपाल र श्रीजानकी माता कोलकाताको संयुक्त आयोजनामा उक्त अवार्ड सम्पन्न भएको थियो । सो सामारोहमा भारत तथा नेपालबाट छनोट भएका उत्कृष्ट व्यक्तित्वलाई अवार्ड तथा सम्मानअर्पण गरिएको थियो ।
कोलकाताका लागि नेपाली नायब महावाणिज्यदूत जनकराज भट्टको प्रमुख आतिथ्यता रहेको समारोहमा वरिष्ठ आभिनेत्री विपना थापा विशिष्ट अतिथिका रूपमा रहनुभएको थियो । कोलकाता का विभिन्न नेपाली संघ सस्थाका व्यक्तित्वको आतिथ्यता रहेको तीज महोत्सव तथा अवार्ड समारोहमा स्वस्थ्य, शिक्षा, सहित्य, चलचित्र, गीतसंगीत, नृत्य, र समाजसेवालगायतका विधाहरू समेटिएको थियो ।
सिन्धुपाल्चोक स्थायी घर हुनुभएकी सिरता काठमाडौंलाई कर्मथलो बनाएर आफ्ना क्रियशन श्रोता÷दर्शकमाझ पस्किरहनुभएको छ । उहाँका थुप्रै गीत लोकप्रिय रहेका छन् ।
