काठमाडौं । नेपाल कम्युनिष्ट पार्टी (एमाले) को सचिवालय बैठक सुरू भएकाे छ ।
ललितपुरको च्यासलस्थित पार्टी केन्द्रीय कार्यालयमा आज दिउँसो १ बजेका लागि डाकिएको बैठक ३ बजेमात्र सुरू भएको सो पार्टीका केन्द्रीय कार्यालय सचिव डा भीष्म अधिकारीले जानकारी दिनुभयो ।
प्रधानमन्त्री तथा पार्टी अध्यक्ष केपी शर्मा ओलीको व्यस्तताका कारण बैठक २ बजेलाई सारिएको थियो। अन्तत: बैठक ३ बजे सुरू भएको हो ।
बैठकमा पार्टीको वार्षिक कार्ययोजना र समसामयिक राजनीतिक विषयमा बैठकमा छलफल हुने बताइएको छ । यही भदौ १८ र १९ गते बसेको पार्टीको पोलिटब्यूरो बैठकले कार्ययोजनाको टुङ्गो सचिवालय बैठकलाई दिएको थियो ।
यस्तै बैठकमा प्रधानमन्त्रीसमेत रहनुभएका ओलीले पछिल्ला राजनीतिक घटनाक्रमबारे पनि जानकारी गराउनु हुने बताइएको छ ।
