काठमाडौं : ह्वाङ्हो सभ्यता, मेसोपोटामियाको सभ्यतालगायत धेरै सभ्यता नदी किनारमा स्थापित भएका छन् । नदीको अन्य महत्त्व सङ्गै सभ्यता स्थापनाको रुपमा पनि रहने गरेको थियो । तर नेपालको राजधानी काठमाडौंका नदी हेर्दा सभ्यता पनि नदी किनारामा स्थापित हुन्छन् र भन्ने लाग्छ ।
बर्खाको भेलले फोहर बगाएर केही हद सम्म सफा गर्ने बाहेक बिष्णुमती, वागमती र धोविखोलाको फोहर र दुर्गन्धले पुरै सहर दुर्गन्धित बनाउने गरेको छ । घर घरका ढल देखि सहरका फोहर सम्म नदीमा फ्याकेर काठमाडौंका बासिन्दाले सभ्यताको "सत्यानास" गरेका छन् ।
स्थानिय चुनावको समय बालेन्द्र शाहले नदीको महत्त्व र सफाईका प्रक्रिया बारे भिन्न भिन्न अन्तरवार्तामा पुगेर आम नागरिकको मन पनि जितेका थिए । तर उनका कुरा पनि अन्य नेताका झै कुरा मै सिमित हुने हो कि भन्ने डर स्थापित भएको छ । नदी किनारामा सुन्दर सभ्यता सहितको सहर स्थापना गर्न सकिनेमा नदीले नै काठमाडौं सहर दुर्गन्धित बन्दै गएको छ ।
