बागलुङ । बागलुङको बुर्तिबाङमा घर भत्काउने क्रममा परिएर एक जनाको मृत्यु भएको छ भने ११ जना घाइते भएका छन् । जिल्लाको ढोरपाटन नगरपालिका–१ बुर्तिबाङ बजारमा घर भत्किदा ५५ वर्षीय बेगबहादुर विकको मृत्यु भएको हो ।
मृत्यु हुनु भएका विकको आफ्नै घर भएको जिल्ला प्रहरी कार्यालय बागलुङका प्रहरी निरीक्षक प्रताप पौडेलले जानकारी दिनुभयो । विकको घर पुनर्निणका लागि भत्काउन थालिएको र काम गरि रहेका १० जना मजदुर घाइतेको उहाँको भनाइ छ ।
घाइते हुनेमा रुपन्देहीको बुटवल उपमहान नगरपालिका–९ का २६ वर्षीय शंकर पन्थी, काठमाडौ महानगरपालिका–१० का २४ वर्षीय सुगान्त पौडेल, बागलुङको ढोरपाटन नगरपालिका–४ का खडक प्रसाद विक, सोही ठाउँका २० वर्षीय ईन्द्र रसाईली ४० वर्षीया कोपिला छन्त्याल, ५० वर्षीय सुभ बुढा मगर, ढोरपाटन नगरपालिका १ का ४० वर्षीया देविसरा विक, सोही ठाउँकी ३० वर्षीया थम कुमारी विक, तमानखोला गाउँपालिका–१ ३८ वर्षीया खममाया घर्ति, ३५ वर्षीय टेक बहादुर विक र ५१ वर्षीया टेकमाया रसाईली रहेको प्रहरी निरीक्षक पौडेलले बताउनुभयो ।
घरले पुरिएका सबैको उद्धार गरि बुर्तिबाङ प्राथमिक स्वास्थ्य केन्द्रमा लगिएको उहाँको भनाइ छ । मृतक विकको अस्पतालमा पु¥याउँदा बित्तिकै मृत्यु भएको उहाँले जानकारी दिनुभयो ।
