काठमाडौं । चलचित्र ‘रंगी’ मा ‘मिस वर्ल्ड नेपाल २०२०’ नम्रता श्रेष्ठ अनुबन्धित हुनुभएको छ । सलोन सलिना फिल्मस् प्रालिको व्यानरमा निर्माण हुने यो चलचित्रमा नम्रताको ‘डेब्यु’ अभिनय रहनेछ ।
सलोन बस्नेत प्रस्तुतकर्ता रहने चलचित्रको हालै निर्माण पक्षले नम्रतालाई अनुबन्ध गरेको जनाएको हो । नम्रताले चलचित्र स्क्रिप्ट अनुसार आफ्नो क्यारेक्टर मन परेकाले काम गर्न सहमत भएको बताउनुभयो ।
नम्रताले यसअघि आफूलाई एक वेब सिरिजका लागि अफर आए पनि आफ्नो भूमिका चुनौतीपूर्ण र विवादास्पद लागेकाले अभिनय नगरेको खुलाउनुभएको छ । चलचित्रलाई सुरेश न्यौपानले निर्देशन गर्दै हुनुहुन्छ । यो उहाँको डेब्यु निर्देशन हो ।
यसअघि निर्माण पक्षले चलचित्रको टाइटल पोष्टर सार्वजनिक गरेको थियो । जहाँ साइकलमा बसिरहेकी एक बालिका र उनीसँग खेल्दै गरेका एक पुरुष देखाइएको छ । उनीहरू बाबु छोरी रहेको अनुमान लगाउन सकिन्छ । पृष्ठभूमिमा सूर्यास्त हुँदै गरेको देखाइएको छ । चलचित्रले बाबु छोरीको कथालाई चित्रण गर्ने अनुमान गर्न सकिन्छ ।
सक्षम सुवेदीको निर्माण रहने चलचित्रमा सुमन गजमेरको लेखन छ । चलचित्रमा सौरभ लामा छायांकारका रूपमा अनुबन्धित हुनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच