साउदी अरब । साउदी प्रो लिगमा फ्रान्सका स्ट्राइकर करिम बेन्जेमाले हृयाट्रिक गर्नुभएको छ । आइतबार राती भएको खेलमा अल इत्तिहादले अल वेहदालाई ७-१ ले हराउँदा ३६ वर्षीय खेलाडीले सानदार प्रदर्शन गर्नुभयो । किङ अब्दुल्लाह स्पोर्ट्स सिटीमा रियल मड्रिडका पूर्वखेलाडी बेन्जेमाले दोस्रो मिनेटमै अग्रता दिलाउनुभएको थियो । दोस्रो हाफमा थप दुई गोल गर्दै सिजनको पहिलो हृयाट्रिक गर्नुभयो । उहाँले ४६ र ८९औँ मिनेटमा गोल गर्नुभएको थियो ।
बेन्जेमाले तीन गोल गर्दा हुसेम और, फाविन्हो, फजाव अल सागौर र सालिह अल सेहरीले समान एक/एक गोल थप्नुभयो । लगातार तेस्रो जितपछि अल इत्तिहाद साउदी प्रो लिगको शीर्षस्थानमा छ । अल हिलाल र अल इत्तिहादको पनि समान नौ अंक नै छ । समान तीन खेलबाट पाँच अंक जोडेको अल नासर भने सातौँ स्थानमा छ ।
