रोम । डिफेन्डिङ च्याम्पियन इन्टर मिलान इटालीको सिरी ‘ए’ मा हारबाट जोगिएको छ । आइतबार राती सम्पन्न खेलमा इन्टरले मोन्जसँग १-१ को बराबरी खेलेको हो । बराबरीपछि इन्टर मिलान अंकतालिकाको दोस्रो स्थानमा रहेको छ । मियामीको चार खेलबाट आठ अंक छ ।
खेल सकिन दुई मिनेट बाँकी रहँदा इन्टरका लागि डेनजेल डुमफ्रेसले बराबरी गोल गर्नुभएको थियो । यही गोलले इन्टर हारबाट मात्रै जोगिएन एक अंक प्राप्त गर्न सफल पनि भयो ।
त्यसअगाडि ड्यानी मोटाले ८१औँ मिनेटमा गोल गर्दै मोन्जालाई सुरुवाती अग्रता दिलाउनुभएको थियो । नेपोली भने लगातार तेस्रो जित हासिल गर्दै नौ अंकसहित शीर्ष स्थानमा उक्लिएको छ । नेपोलीले अर्को खेलमा कागिलिरीलाई ४-० ले हराएको थियो । एजेन्सी ।
