काठमाडौं । शमी साहित्य प्रतिष्ठानले विभिन्न स्रष्ठालाई सम्मान गरेको छ । काठमाडौंमा कार्यक्रमबीच प्रतिष्ठानले नेपाली साहित्य जगतमा विशेष योगदान गर्ने स्रष्ठाहरूलाई शमी साहित्य साधनाबाट सम्मान गरेको हो । सम्मानित हुने स्रष्ठाहरूमा कृष्ण गौतम, राप्रउ पोखरेल, ज्ञान उदास, रामबाबु घिमिरे, प्रेमविनोद नन्दन र प्राडा.कृष्णप्रसाद दाहाल रहनुभएको छ । उहाँहरूलाई प्रतिनिधि सभाका सभामुख देवराज घिमिरेले जनही ५० हजारसहित ताम्रापत्रबाट पुरस्कृत गर्नुभएको थियो ।
कार्यक्रममा नेपाल प्रज्ञा-प्रतिष्ठानका पूर्वकुलपति तथा लेखक/साहित्यकार गंगाप्रसाद उप्रेतीद्वारा लिखित ‘बन्दी जीवनका अत्यासलाग्दा कथाहरू’ लोकार्पण गरिएको थियो ।
कार्यक्रममा सभामुख घिमिरेले विगतका शासनहरूमा अत्यन्त कष्ठकर जीवन बिताई आज जनताको ठूलो बलिदानीपूर्ण संघर्षले संघीय लोकतान्त्रिक गणतन्त्र आएको स्मरण गर्दै यसको संरक्षणका लागि साहित्यिक व्यक्तित्वहरूको ठूलो त्याग र तपस्या भूमिका भएको सुनाउनुभयो । समाजमा राजनीतिक चेतनाको उजागर गर्न र परिवर्तनलाई चिर्न नेपाली साहित्यले गरेको योगदान जतिनै चर्चा गरेपनि कमी हुने उहाँको भनाइ थियो ।
शमी साहित्य प्रतिष्ठानका संरक्षक डोलिन्द्रप्रसाद शर्माले २०६६ सालमा स्थापना भएको प्रतिष्ठानले सोह्रौ वर्षमा प्रवेश गर्दै गर्दा १८ जना स्रष्ठाहरूलाई सम्मान गरेको जानकारी गराउनुभयो ।
कार्यक्रममा लेखक तथा पूर्वकुलपति गंगाप्रसाद उप्रेती, प्राडा.देवीप्रसाद नेपाल, डा.कृष्णहरि बराल, वैरागी काइँला, डा.नवराज लम्साललगातय साहित्यकारहरूको उपस्थिति थियो । पूर्वकुलपति गंगा उप्रेतीद्वारा लिखित पुस्तक बन्दी जीवनका अत्यासलाग्दा कथाहरुमा नेपाल राणा शासनका राजनीतिक अवस्था, जनआन्दोलन, कष्ठकर जेलजीवन, राजबन्दीको बरबर हत्या, कहालीलाग्दो घटना आदिलाई मार्मिक ढंगले प्रस्तुत÷उजागर गरेको छ ।
सम्मानित सहित्यकाहरूले राज्यले खोज नगरेका र नचिनेका स्रष्ठाहरूलाई शमी साहित्य प्रतिष्ठानले कुनाकन्तरमासम्म पुगी खोजी यस किसिमले सम्मान गरेकोमा खुशी व्यक्त गर्दै यस्ता कार्यप्रति आभारसमेत प्रकट गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच