काठमाडौं । एनएमबी बैंकले नेपालको सबैभन्दा दिगो बैंक बन्ने स्ट्राटेजिक आकांक्षाअनुसार दुर्ई महत्वपूर्ण सम्झौतामा हस्ताक्षर गरेको छ । दिगो युटिलिटि-स्केल सौर्य र कृषि परियोजना विकासका लागि प्राविधिक सहयोग तथा सल्लाह भित्र्याउने उद्देश्यले अमेरिकी डलर २० मिलियनको पहिलो सम्झौता डच फण्ड फर क्लाइमेट एण्ड डेभलपमेन्ट (डिएफसिडी) सँग गरेको छ । अन्तर्राष्ट्रिय मापदण्ड निर्धारण गर्ने निकाय हाइड्रोपावर सस्टेनेबिलिटी एलायन्सले प्रारम्भिक जलविद्युत् दिगोपन मूल्यांकन गर्न प्राविधिक सल्लाहकार उपलब्ध गराउन डच उद्यमशील विकास बैंक, एफएमओसँग दोस्रो सम्झौता गरेको बैंकले जनाएको छ । नेपाल विद्युत् प्राधिकरणको नेपालभर आठ सय मेगावाटसम्मको ग्रिड जडित सौर्य ऊर्जा विस्तार गर्ने नयाँ परियोजनामा एनएमबी बैंकले आफ्ना सौर्य ऊर्जासँग आबद्ध ग्राहकलाई आर्थिकरूपमा मात्र नभई अन्तर्राष्ट्रिय प्राविधिक सल्लाहकार उपलब्ध गराउने र उक्त परियोजनाबाट उत्पादित ऊर्जा कृषि तथा अन्य क्षेत्रमा दिगोरूपमा प्रयोग गर्न सहयोग गर्ने प्रतिबद्वता व्यक्त गरेको छ ।
त्यसैगरी जलविद्युत् परियोजनाका लागि हाइड्रोपावर सस्टेनेबिलिटी एलायन्सद्वारा आयोजित अन्तर्राष्ट्रिय मान्यताप्राप्त स्वतन्त्र दिगोपन मूल्यांकनहरू कार्यान्वयन गरी जिम्मेवार बैंक बन्ने अभिप्राय साथ अघि बढेको छ । साथै बैंकले निकट भविष्यमा आफूले लगानी गरेका जलविद्युत् परियोजनाका लागि हाइड्रोपावर सस्टेनेबिलिटी स्ट्याण्डर्ड सर्टिफिकेसन प्राप्त गर्ने लक्ष्य राखेको छ । एनएमबी बैंकका उल्लेखित पहलहरूले नेपालको ऊर्जा क्षेत्रलाई वातावरणीय र सामाजिकरूपमा लचिलो बनाउन, अन्तर्राष्ट्रिय लगानीकर्ता आकर्षित गर्दै व्यावसायिक अवसर सिर्जना गर्ने विश्वास बैंकले लिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच