काठमाडौं । सरकारले दुग्ध तथा उखु किसानको बाँकी बक्यौता रकम उपलब्ध गराउने प्रक्रिया सुरु गरेको छ ।
कृषि तथा पशुपक्षी विकास मन्त्री रामनाथ अधिकारीको पहलमा झन्डै दुई अर्ब रुपैयाँ निकासा भएको हो ।
बक्यौता तिर्न शुक्रबार सार्वजनिक ऋण व्यवस्थापन कार्यालयले ऋण लगानीको तमसुक तथा भुक्तानीका लागि अनुमति दिएको छ । यस्तै कृषि मन्त्रालयले शुक्रबारै आठ जिल्लाका उखु किसानले पाउनुपर्ने एक अर्ब ४५ करोड बढी रकम रकमान्तर गरी भुक्तानीका लागि सम्बन्धित जिल्लामा पठाएको छ । जसका कञ्चनपुर नवलपरासी पश्चिम, बारा, रौतहट, सर्लाही, महोत्तरी, सिरहा र सुनसरी जिल्ला छन् ।
महालेखा नियन्त्रक कार्यालयको अनुमती र अर्थ मन्त्रालयले रकम बाँडफाँट गरी शुक्रबार सम्बनन्धित जिल्लाका कोष तथा लेखा नियन्त्रक कार्यालयमा पठाएको कृषि मन्त्रालयले जनाएको छ ।
मन्त्रालयका अनुसार ती आठ जिल्लाका किसानले यो रकम दसैँअघि नै प्राप्त गर्नेछन् ।
कृषि मन्त्री अधिकारीले उखु तथा दूध किसानहरूको बाँकी रकम दसैँ अघि नै भुक्तानी गर्ने प्रतिबद्धता जनाउँदै आउनु भएको थियो ।
यस्तै भदौ २० गतेको मन्त्रिपरिषद् बैठकले दुग्ध विकास संस्थान (डिडिसी) लाई दुग्ध किसानहरूको बक्यौता रकम तिर्नका लागि सर्तसहित ६० करोड रुपैयाँ ऋण दिने प्रस्ताव स्वीकृत गरेको थियो ।
उक्त रकम सम्बन्धी दुग्ध किसानको हातमा पुग्ने गरी सम्पूर्ण प्रक्रिया पूरा भएको डिडिसीका प्रमुख सूर्य पाण्डेले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच