काठमाडाैं । लेबनानका विभिन्न क्षेत्रहरूमा बिहीवार इजरायली हवाई आक्रमणबाट मृत्यु हुनेको संख्या ६० पुगेको छ भने घाइतेको संख्या ८१ पुगेको लेबनानको स्वास्थ्य मन्त्रालयले जनाएको छ ।
इजरायलले बिहीवार र शुक्रवार लेबनानभर ११५ वटा आक्रमण गरेको मन्त्रालयले उल्लेख गरेको छ । सोमवारदेखि शुरु भएको र लेबनानको दक्षिण र पूर्वमा केन्द्रित रहेको ठूलो मात्रामा हवाई हमलाहरू भएका छन् ।
सोमवारदेखि, इजरायलले लेबनानभर व्यापक हवाई हमला गरेको छ । जसमा ६५० भन्दा बढीको मृत्यु र २ हजार भन्दा बढी घाइते भएका छन् । इजरायली सेनाले यस अवधिमा २ हजार भन्दा बढी स्थानहरूलाई लक्षित गरेको जनाएको छ ।
- सिन्ह्वाको सहयोगमा न्युज एजेन्सी नेपालले तयार पारेको समाचार सामग्री ।
