
बार्सिलोना । बार्सिलोनाको अपराजित यात्रामा ब्रेक लागेको छ । स्पेनिस ला लिगामा शनिबार राती ओसासुनासँग पराजित हुँदै बार्सिलोनाले आफ्नो अपराजित यात्रा टुंग्याएको हो । ओसासुनासँग बार्सिलोना ४-२ ले पराजित भएको हो । योसँगै बार्सिलोनाले आठ खेलमा गएर आफ्नो अपराजित यात्रा टुंग्याएको हो ।
१८औँ मिनेटमै ओसासुनाले एन्टे बुडिमिरको गोलमार्फत् सुरुवाती अग्रता लिएको थियो । उहाँले ब्रायन जरागोजाको क्रसमा गोल गर्नुभयो । त्यसको १० मिनेटपछि ब्रायनले नै अग्रता दोब्बर बनाउनुभयो । ५३औँ मिनेटमा पाउ भिक्टरले गोल गर्दै बार्सिलोनालाई खेलमा फर्काउने प्रयास गर्नुभएको थियो ।
तर, ७२औँ मिनेटमा बुडिमिरले गोल गर्दै ओसासुनाको अग्रता ३-१ मा पुर्याउनुभयो । निर्धारित खेल सकिन एक मिनेट बाँकी रहँदा लाइम यमलले गोल गरे पनि बार्सिलोनाको हार टरेन । शीर्ष स्थानको बार्सिलोनाको २१ अंक रहँदा एक खेल कम खेलेको रियल मड्रिड चार अंकले पछि परेको छ । छैटौँ स्थानमा उक्लिएको ओसासुनाको भने आठ खेलबाट १४ अंक छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच