काठमाडौं । मौसम प्रतिकुल हुँदाहुँदै पनि शहीद लीला-यशोदा दाहाल स्मृति प्रतिष्ठानको १३औं साधारणसभा तथा प्रजातन्त्र सेनानी सम्मान समारोह सम्पन्न भयो । शहीदहरू लीला, ठगी, खगेन्द्र र गोकर्णको ५१ स्मृतिका अवसरमा यो कार्यक्रम भएको थियो ।
शहीद लीलानाथ दाहालका अग्रज तथा सहकर्मी ओखलढुंगा, सोलुखुम्बु र काठमाडौं जिल्लाका प्रजातन्त्र सेनानीहरु होमनाथ दाहाल, चन्द्रकान्त दाहाल, महेशकुमार कोर्मोचा, उत्तरकुमार कटवाल, देवीबहादुर केसी, खिलानाथ अधिकारी, दत्तसिंह कार्की, अनारसिंह कार्की, भीमबहादुर अधिकारी, परशुराम अधिकारी र दामोदर गौतमलाई पूर्वउपप्रधानमन्त्री तथा यस प्रतिष्ठानका संरक्षक सुजाता कोइराला, पूर्वराजदूत कैलाशराज पोखरेल तथा प्रतिष्ठानका अध्यक्ष बालकृष्ण दाहालले सम्मान गर्नुभयो ।
महासचिव रोहित दाहालले सञ्चालन गर्नुभएको उक्त कार्यक्रममा सुजाता कोइराला, कैलाशराज पोखरेल, महेशकुमार कोर्मोंचा, खिलानाथ अधिकारी, डा.रेवतबहादुर कार्की, प्रजापति दाहाल र बालकृष्ण दाहालले मन्तव्य राख्नुभएको थियो । समाजसेवी खिलानाथ अधिकारीले अक्षय कोष वृद्धिका लागि एक लाख रुपैयाँ सहयोग गर्नुभयो ।
