काठमाडौं । सरकारले भारतबाट ल्याइएको गुणस्तरहीन चामल भन्सार नाकाबाटै फर्काइदिएको छ । चाडपर्वका बेला व्यावसायिक प्रयोजनका लागि भारतबाट नेपालगञ्ज भन्सार नाकामा ल्याइएको ८५ हजार केजी चामल फिर्ता पठाएको हो । खाद्य प्रविधि तथा गुण नियन्त्रण विभागले गरेको परीक्षणमा उक्त चामल नेपाल सरकारले तोकेको अनिवार्य मापदण्डअनुरूप नभएको भन्दै फिर्ता गरिएको विभागले जनाएको छ ।
खाद्य आयात निर्यात गुणस्तर प्रमाणीकरण कार्यालय, नेपालगञ्जले गरेको परीक्षणमा क्षतिग्रस्त दानाको मात्रा अत्यधिक रहेको र चामलको गुणस्तर न्यून रहेको देखाएपछि चामलको कन्साइनमेन्ट नेपालगञ्ज भन्सार कार्यालयमार्फत् भारत फिर्ता गरिएको खाद्य प्रविधि तथा गुण नियन्त्रण कार्यालय नेपालगञ्जका प्रमुख सन्तोष दाहालले जानकारी गराउनुभएको छ ।
खाद्य तथा गुणस्तर ऐन, २०८१ अनुसार खाद्य पदार्थ पैठारी गर्नुअघि विभाग वा विभागले तोकेको कार्यालयबाट स्वीकृति र प्रवेश अनुमति लिनुपर्ने अनिवार्य व्यवस्था छ । उक्त मापदण्ड पालना नगरेका व्यवसायीलाई कानुनी कारबाही हुने चेतावनीसमेत विभागले दिएको छ ।
विभागका प्रवक्ता मोहनकृष्ण महर्जनद्वारा जारी प्रेस विज्ञप्तिअनुसार देशभरका १२ वटा भन्सार नाकामा रहेको खाद्य आयात निर्यात गुणस्तर प्रमाणीकरण कार्यालयहरूले नियमितरूपमा खाद्य पदार्थ परीक्षण र नियमन गर्दै आएको जानकारी दिएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच