काठमाडौं । नेपाल भाषाको गीत ‘अन्ती सोमां सलिंचाय्....’ सार्वजनिक गरिएको छ । शंकर खड्गीको रचना र निर्देशनमा निमाण भएको गीतको भिडियो सार्वजनिक भइको हो । संगीतविज्ञ रत्न बेहोशी बज्राचार्य प्रमुख अतिथि रहेको भिडियो सार्वजनिक कार्यक्रम फेमली क्रुका संस्थापक जरिना शाहीको सभापतित्वमा सम्पन्न भएको हो ।
कार्यक्रममा विशेष अतिथिका रूपमा अग्रज लेखक/निर्देशक पवन जोशी, नेपालभाषाका प्रथम चलचित्र पत्रकार विजय रत्न असंबरे, नृत्य निर्देशक भुवनदास श्रेष्ठ, सञ्चारकर्मी दर्शनवीर शाक्य, श्याम स्मृत, स्वतन्त्रसंसार महर्जनका साथ कला क्षेत्रका वरिष्ठ व्यक्तित्वहरू उपस्थिति थियो ।
रचनाकार/निर्देशक खड्गीले स्वागत मन्तव्य राख्नुभएको कार्यक्रममा अतिथिहरूले गीतको भिडियो मनोरञ्जनका लागि मात्र नभएर भाषा, कला संस्कृति, संस्कारको जगेर्ना गर्नु पनि रहेको बताएका थिए । गीतका निर्मात्री धनलक्ष्मी खड्गीले सबैको साथ पाएमा फेरि पनि निर्माण गर्दै जाने बताउनुभयो । गीतको भिडियो फेमली कु युट्युब च्यानलमार्फत दर्शकमाझ आएको छ । कार्यक्रम संयोजक तथा निर्माण नियन्त्रक कलाकार सुरेन्द्र श्रेष्ठले सबैलाई धन्यवाद दिनुभएको थियो ।
नेवाः संगीतक्षेत्रमा मेलोडी क्वीनका रूपमा परिचय बनाउनुभएकी दीपा महर्जन र किशोर शाहीको युगल स्वर रहेको गीतको भिढियोमा बालकुमार मगरको छायांकन तथा सम्पादन छ । भिडियोमा मनोज महर्जन, सञ्जु खड्गी, हसना महर्जन, सुजिना शाहीका साथमा सरस्वती मानन्धर, सुरेन्द्र श्रेष्ठलगायत कलाकारको अभिनय छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच