सर्लाही । अन्न भण्डार मानिने तराई मधेसका जिल्लामा शनीवार राती देखि परेको बेमौसमी अविरल वर्षाले काट्ने बेला भएको धान डुबाएको छ । किसानले धान काटेर खेतमा सुकाए पनि धान थन्क्याउन पाएनन् ।
दसैं सकिएलगत्तै धान भित्र्याउन खेत पसेका किसान बेमौसमी वर्षाले समस्यामा परेका छन् । गय राती देखि परेको निरन्तर वर्षाले खेतमा बाला झुलेर काट्न तयार भएका धानका बोट लडेर पानीमा डुबेका छन् भने काटेर भित्र्याउन ठिक्क पारेको धान खेतमै डुबेको छ । वर्षामा डुबान र कटानको समस्या झेल्दै आएका किसानलाई बेमौसमी वर्षाले धान खेतीको लगानीसमेत नउठ्ने चिन्ता थपेको छ ।
समयमै मल, बीउको असुविधाबीच पनि यस वर्ष नियमित वर्षा भएकाले उत्पादन बढ्ने आसमा रहेका किसानलाई बीउ नै मासिने चिन्ता बढेको छ। वर्षामा डुबान र कटानको समस्या झेल्दै आएका किसानलाई बेमौसमी वर्षाले धान खेतीको लगानीसमेत नउठ्ने चिन्ता थपेको छ। बेमौसमी वर्षाका कारण जिल्लाको सबैजसो क्षेत्रमा धान बालीमा क्षति पुगेको छ।
पाकेर काटेको धान पानीमा डुब्दा धानबाट चामल राम्रो नहुने किसानको दुखेसो छ । नियमित वर्षाले यस वर्ष धान उत्पादन बढ्ने अनुमान गरिएका बेला परेको आकस्मिक पानीले धान बालीमा क्षति पुर्याएको छ । किसानले धान काटेर सुकाउन खेतमा राखेका थिए । कतिपयले खेतमै काटेको धान थुपारेर कुन्यु बनाएका थिए । घर आँगनमा पनि काटेको धान थुपारेका थिए । खेत र आँगनमा थुपारेको धानसमेत भिजेको किसान बताउँछन् । खेतमा थुपारेको सबै धान भिजेको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच