जुम्ला । जुम्लामा राहदानी लिनेको संख्या पछिल्लो समयमा बढ्दै गएको छ । जिल्ला प्रशासन कार्यालय जुम्लाका अनुसार आव २०७७/०७८ देखि २०८१/०८२ को असोज मसान्तसम्म कुल ३ हजार ७५६ जनाले राहदानी लिएको प्रशासन कार्यालय जुम्लाका कम्युटर अपरेटर हेमन्त पुलामीले जानकारी दिनुभयो ।
राहदानी लिनेमध्यै धेरैजसो बैदेशीक रोजगारीका लागि जाने गरेकाछन् । बाँकी कर्मचारी, उच्च पदस्थ व्यक्तिहरुले बैदेशिक भ्रमणका लागि राहदानी लिने गरेको प्रशासन कार्यालय जुम्लाका कम्युटर अपरेटर पुलामीको भनाइ छ ।
प्रशासन शाखाका अनुसार चालू आव. २०८१/०८२ को असोज मसान्तसम्म मात्रै ६३२ जनाले राहदानी लिइसकेकाछन् । तीमध्ये १५७ महिना र ४७५ पुरूष छन् । आव.२०८०/८१ मा ७८३ जनाले राहदानी बनाएका छन् । ती मध्ये १४२ जना महिला र ६४१ जना पुरूष रहेको जिल्ला प्रशासन कार्यालय जुम्लाको तथ्यांकमा उल्लेख गरिएको छ ।
आव.२०७८/०७९ मा १ हजार ४११ जनाले राहदानी बनाएकामध्ये २४६ जना महिला र १ हजार १६५ जना पुरुष रहेकाछन् । आव.२०७९/०८० मा ६ सय जनाले राहदानी लिएकामध्ये महिलाको संख्या २४६ र पुरूषको संख्या ३५४ रहेकाछन् । आव.२०७७/०७८ मा ३३६ जनाले राहदानी लिएकामध्ये १ सय महिला र २३६ जना पुरूष रहेको प्रशासन कार्यालयको राहदानी शाखाले जनाएको छ ।
यो संख्या जुम्ला प्रशासनबाट मात्रै राहदानी लिनेहरूको हो । योभन्दा धेरै बढीले काठमाडौंबाट राहदानी बनाउने गरेकाछन् । स्वदेशमा रोजगारीको सम्भावना नदेखेपछि विदेश जाने तयारी स्वरुप राहदानी लिने बढेको जिल्ला प्रशासन कार्यालयका राहदानी फाँटका खरिदार नर बहादुर बुढाले जानकारी दिनुभयो । रासस
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच