-बाबुराम दाहाल
भक्तपुर । भक्तपुर जिल्लाको सूर्यविनायक नगरपालिका वडा नं. ५, कटुन्जे चोक, सल्लाघारीमा भएको सवारी दुर्घटनामा एक पैदलयात्रीको मृत्यु भएको छ। हिजो दिउँसो १२:१५ बजे सूर्यविनायकबाट सल्लाघारीतर्फ गइरहेको बागमती प्रदेश ०२-०२१ प. ८१२७ नम्बरको पल्सर मोटरसाइकलले भक्तपुर नगरपालिकाको वडा नं.६ भोलाछेंकी ६९ वर्षीया बिमला प्रधानाङ्गलाई ठक्कर दिएको थियो ।
प्रधानाङ्ग हाल कटुन्जेमा बस्दै आइरहेकी थिइन । ठक्करबाट गम्भीर घाइते भएकी प्रधानाङ्गलाई तत्काल उपचारका लागि भक्तपुरको मध्यपुर अस्पताल ठिमी लगिएको थियो । उपचारको क्रममा आज उनको मृत्यु भएको हो ।
दुर्घटनापछि मोटरसाइकल र चालक घटनास्थलबाट फरार भएका थिए । तर प्रहरी वृत्त जगाती भक्तपुरको टोलीले आज खोजी गर्दै दुर्घटनामा संलग्न मोटरसाइकल र चालकलाई पक्राउ गरेको छ । पक्राउ परेका चालक २६ वर्षीय दीपक मानन्धर हुन्, जसको स्थायी ठेगाना रामेछाप जिल्लाको सुनापाती गाउँपालिका वडा नं. ५ भएको र हाल उनी भक्तपुरको चाँगुनारायण नगरपालिका वडा नं. १ दुवाकोटमा बस्दै आएका छन् ।
हाल चालक मानन्धरलाई प्रहरी वृत्त जगातीमा राखी थप अनुसन्धान भइरहेको जानकारी प्रहरी नायब उपरीक्षक ढुण्डीराज नेउपानेले दिए ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच