‘विनय-ग्रन्थ’ विमोचन

हिमालय टाइम्स

Monday November 11, 2024

Read Time = 2 mins

सिफारिस

अमेरिकामा भूपेन्द्रलाई दुई रजत

प्रिन्ट संस्करण

साहित्य/कला

A A- A+

काठमाडौं । कवि विनय रावलका कृतिहरू समेटिएको कृति ‘विनय-ग्रन्थ’ विमोचन गरिएको छ । भूगोल साहित्य समाजले काठमाडौंमा एक कार्यक्रमबीच उक्त कृति विमोचन गरेको हो । समाजका अध्यक्ष विनोद नेपालको अध्यक्षता, वरिष्ठ गजलकार ज्ञानुवाकर पौडेलको प्रमुख आतिथ्य, डा.तुलसी भट्टराई र विनय रावलकी धर्मपत्नी सुलोचना रावलको आतिथ्यमा कृति लोकार्पण गरिएको थियो । सो अवसरमा रावलको व्यक्तित्वका विभिन्न पाटा, स्वभाव र आनीबानीका साथै विभिन्न घटनाको स्मरण गरिएको थियो ।

विनय–ग्रन्थ डा.तुलसी भट्टराईको सम्पादन र संयोजनमा विनय रावल स्मृति प्रतिष्ठानद्वारा प्रकाशित गरिएको हो । ४०० पृष्ठको यस ग्रन्थमा कवितासंग्र ‘मलाई तिमी आफूजस्तै बनाउ’, ‘सपनाको देशमा,’ लेखहरूको संगालो ‘समय-प्रवाह’ र नियात्रा ‘टुल्दिदीको देश’ रावलका चार कृतिका साथै ‘विभिन्न व्यक्तिका दृष्टिमा विनय रावल’समेतका सामग्री समावेश छन् ।

२०१३ साल कात्तिक २२ गते जन्मिनुभका विनयको पूर्वोत्तर भारतको साहित्यिक यात्राका क्रममा २०६२ साल जेठ २५ गते सवारी दुर्घटनामा निधन भएको थियो । कार्यक्रम रावलको ६८औं जन्मजयन्तीको अवसरमा आयोजना गरिएको हो ।

कृति

विमोचन

साहित्य

यो खबर पढेर तपाईलाई कस्तो महसुस भयो ?