काठमाडौं । गैरआवासीय नेपाली संघ (एनआरएनए) राष्ट्रिय समन्वय परिषद् इजरायलले अन्तर्राष्ट्रिय स्तरीय वक्तृत्वकला प्रतियोगिताको आयोजना गर्ने भएको छ । २४ नोभेम्वर २०२४ मा विश्वभर रहेका नेपालीहरूको कला एवं प्रतिभा उजागर गर्दै विश्वमा रहेका राष्ट्रिय समन्वय परिषद्हरूबीच सम्बन्ध र सहकार्यलाई वृद्धि गर्ने उद्देश्यले वक्तृत्वकला प्रतियोगिता गर्न लागेको हो ।
एनआरएनए इजरायलका अनुसार प्रतियोगितामा प्रथम हुनेलाई दुई लाख रुपैयाँ पुरस्कार प्रदान गरिनेछ । त्यस्तै द्वितीयलाई एक लाख र तृतीयलाई ५० हजार रुपैयाँ पुरस्कार प्रदान गरिनेछ ।
इजरायललगायत विश्वका विभिन्न देशमा वैदेशिक रोजगारी, अध्ययन, व्यवसायलगायत विभिन्न सिलसिलामा बसोवास गर्दै आएका नेपालीहरूले सहभागिता जनाउन पाउने संघका महासचिव अलि मोहम्मद मियाले जानकारी दिनुभयो ।
प्रतियोगिता अनलाइन माध्यमबाट हुनेछ । त्यसका लागि अनलाइनमार्फत फाराम भर्न सकिने र दर्ता शुल्क २० यूरो तथा ५० सिकेल (इजरायली रुपैयाँ) तोकिएको छ । प्रतियोगिता समृद्ध नेपाल, गैरआवासीय नेपालीहरूको भूमिका, गैरआवासीय नेपालीहरूको साझा अभियान ः वैदेशिक सिकाइ र लगानी हाम्रो स्वाभिमानलगायत विषयमा हुने जनाइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच